KBTU студенттері «Student Energy Challenge 2024» байқауында жеңіске жетті

«Student Energy Challenge 2024» байқауының финалистері ретінде Alma Valley-ден екі команда таңдалғанын қуана хабарлаймыз. Финалистер — Dronette және Aqua Save командалары. Биыл Dronette командасы өздерінің медициналық құрал-жабдықтар мен шұғыл көмек көрсету үшін Қазақстанның шалғай өңірлеріне дрондар арқылы жеткізуді пайдаланатын инновациялық жобалары үшін сыйлыққа ие болды.

Команда мүшелері Диана Бутакова, Кристина Мликова және Камилия Сақуш қазіргі бизнес ортасында қажетті инженерлік ойлау мен әлеуметтік жауапкершілікті көрсетті.

Жеңіске жеткен командаға энергия, экология және шығарындыларды азайту салаларында зерттеулер жүргізу үшін 2 350 000 KZT көлемінде грант берілді. Бұл олардың жобалары мен тұрақты даму көзқарасына айтарлықтай үлес қосады.

Сонымен қатар, финалға шыққан екінші Aqua Save командасын да атап өткіміз келеді. Олардың жобасы — нейрондық желі мен 3D камералармен жабдықталған ұшқышсыз аппарат және жағалаудағы камералардан тұратын кешенді жүйе. Дрон су айдындарын сканерлей отырып, қоқыстарды анықтап, оларды тиімді түрде жояды, бұл экологияны қорғау үшін өте құнды құрал болып табылады.

«Student Energy Challenge» байқауының мақсаты — жас мамандар арасында инновацияны ынталандыру және тұрақты даму жолындағы жаңа идеяларды дамытуға қолдау көрсету.

2017 жылдан бастап KBTU осы байқауда белсенді қатысып келеді, ол KAZENERGY Ассоциациясы және Shell Kazakhstan қолдауымен ұйымдастырылады. Әр жыл сайын біздің командалар керемет нәтижелер көрсетіп, KBTU студенттерінің жоғары дайындықтары мен шығармашылығын растайды.