Қазақстан-Британ техникалық университеті «Жасыл университет» тұжырымдамасы туралы декларация жариялады.

ҚБТУ «Жасыл университет» тұжырымдамасы туралы декларация жариялады. Осы декларацияны жариялау арқылы Қазақстан-Британ техникалық университеті академиялық тәжірибені жүргізу және университеттің ішкі жұмысын басқаруда 2015 жылы БҰҰ қабылдаған Тұрақты даму мақсаттарына адалдығын мәлімдейді.
Декларацияға сәйкес ҚБТУ қаржыландыруды тарта отырып, жобалар мен ҒЗТКЖ құру және жүзеге асыру бойынша инновациялық және білім беру қызметін күшейтуді жалғастырады және келесі міндеттерді қояды:
- Жасыл университет тұжырымдамасын жүзеге асыруға ҚБТУ оқытушыларын, қызметкерлерін және студенттерін тарту
- ҚБТУ экологиялық инфрақұрылымын жақсарту үшін инвестиция тарту
- экология және жаңартылатын энергия көздері саласындағы инновациялық білім беру бағдарламаларын енгізу және оларды қолдау
- Green University тұжырымдамасын жүзеге асыру үшін жаңа серіктестерді тарту
- халықаралық деңгейге шығу және Қазақстандағы Жасыл университет тұжырымдамасының нәтижелерін тарату